Bailouké
Sas bann monstres. Domine lil la.
- Zwer
- 4
- Laz
- 5–99
- Lerla
- 30–60 min
An kourt
Bailouké met 4 zwer dan lil Moris an 1598, kot bann saser monstres pe konbat pou eliminn ouswa kaptire bann kreatir fantastik. Vinn premie pou gagne 3 mans pou vinn pli gran saser lor lil la.
Listwar la
An 1598, kan bann olande pe koumans koloniz lil Moris, zot pa kone ki bann kreatir fantastik — enn melanz monstres ek zanimo — pe deza viv lor sa later la. Enn nouvo metye ne : saser monstres.
Dan Bailouké, 4 zwer pe konbat pou vid zot zonn lasas, ant zot debaras bann bet, ek zot zere bann lefe pwisan ki 15 kreatir bestyer la donn. Pioz, remplas, zete — ek sirtou, anons "Baïlouké" dan bon moman pou sel to viktwar.
Premie ki gagne 3 mans, gagne parti la.
Sa ki ena dan bwat la : 50 kart bet (15 kreatir diferan, valer 0–13 ek 24), 9 zeton Kouronn, 20 zeton Louk Louké, 4 zeton Péboudé, 6 zeton Fer enn lizaz boss, livre regleman ek bestyer.